Tónleikadagskrá
Þýskir barokkmeistarar
Kammersveit Breiðholts - ásamt einleikurum og einsöngvurum - munu flytja meistaraverk eftir þýsk barokktónskáld þar sem leikið verður á sagnréttan máta á barokkhljóðfæri.
Á efnisskránni verða sónata fyrir fjórar raddir eftir Johann Rosenmüller, lútukonsert í d-moll eftir Friedrich Fasch, þættir úr óratoríunni Sanctus Petrus et Sancta Maria Magdalena eftir Johann Adolph Hasse og hljómsveitarsvítan Overture des nations anciens et modernes eftir Georg Philipp Telemann.
Einsöngvarar og einleikarar:
Ásta Sigríður Arnardóttir söngkona
Bergþóra Linda Ægisdóttir söngkona
Sergio Coto lútuleikari
Kammersveit Breiðholts:
Hildigunnur Halldórsdóttir fiðluleikari
Stijn Brinkman fiðluleikari
Martin Frewer víóluleikari
Sigurður Halldórsson sellóleikari
Dean Ferrell bassaleikari
Sólveig Thoroddsen hörpuleikari
Örn Magnússon orgelleikari
Vaxtarverkir
Fjölbreytt tónlist fyrir flautu og rödd, þar á meðal ný verk eftir tónskáldin Finn Karlsson og Ingibjörgu Azimu Guðlaugsdóttur, ásamt verkum eftir Þórunni Guðmundsdóttur, Pál Ragnar Pálsson, o.fl.
Flytjendur
Björg Brjánsdóttir, þverflautuleikari
Þórgunnur Anna Örnólfsdóttir, söngkona
Húsið mitt
Flutt verða sönglög eftir Halldór Smárason, Richard Strauss, Samuel Barber, Gabriel Fauré og fleiri
Flytjendur:
Margrét Hannesdóttir, söngur
Hrönn Þráinsdóttir, píanó
Franskir kastalar og síðrómantík
Það er vorstemmning í þessum frönsku verkum sem verða á boðstólum Camerarctica að þessu sinni, en í Neskirkju munu hljóma svítur eftir Darius Milhaud og Francis Poulenc, ásamt Tríói eftir Gabriel Fauré
Flytjendur
Ármann Helgason klarinetta
Gunnhildur Daðadóttir fiðla
Sigurður Halldórsson selló
Ingunn Hildur Hauksdóttir píanó
Hollensk nýrómantík, íslensk ungtónskáld og Bach
Kammertónleikar í Neskirkju þar sem samspil söngradda, flautu, óbós og píanós leiða áhorfendur um ólíka og heillandi hljóðheima: Glóandi skýjamyndir nýrómantískra hollenskra tónskálda, meistaralegar barokkhallir J. S. Bachs og nýsprottnar og íhugular tónsmíðar ungtónskáldanna Arnaldar Inga og Ingibjargar Ýrar.
Irene Kalisvaart gítarleikari
Laugardaginn 16. september mun hollenski gítarleikarinn Irene Kalisvaart koma fram á tónleikum 15:15 tónleikasyrpunnar í Breiðholtskirkju.
Irene hlaut fyrstu verðlaun 17. ára gömul í "National Competition for Young Guitarists” í Amsterdam og hefur hlotið margvíslegar viðurkenningar og lofsamlega dóma fyrir gítarleik sinn.
Í septembermánuði kemur út geisladiskur með leik Irene á vegum Naxos útgáfunnar þar sem hun flytur einleiksverk frá barokktímanum.
