Hið kvenlega tvíeðli
Eva og María mey eru holdgervingar konunnar og standa fyrir andstæður hins kvenlega tvíeðlis. María er fantasían um hina fullkomnu konu, hún er bæði móðir og hrein mey, en Eva er andstæða hennar, tálkvendi sem veldur falli mannkyns með því að eta og bjóða körlum forboðinn ávöxt. Biblían stillir þeim upp sem andstæðum, þær eru dæmisögur fyrir konur til að læra af og skilja sjálfar sig. Eva, María og örlög þeirra kenna konum hvernig þær eigi að haga sér og hvað séu viðeigandi hlutverk fyrir þær að gegna. Maríu má finna í allskyns tónlist, en mjög lítið er fjallað um Evu.
Á þessum tónleikum verður þetta tvíeðli konunnar skoðað í gegnum ólíkar tónlistarstefnur. Fléttuð verða saman einsöngsverk við kórverk, tónlist þar sem holdgerving Evu birtist annars vegar og holdgerving Maríu hins vegar.
María er hin ósnertanlega kona, hrein mey og móðir í senn, og verður því túlkuð með kór, þar sem engin ein kona getur stigið inn í hlutverk hennar, og verður sungið um hana á latínu til að beina sjónum að þessari fjarlægð okkar frá Maríu. Eva er jarðnesk kona og ímynd hennar lituð af synd, birtingarmynd hennar má sjá í tónlist út um allt og munum við skoða hvernig hún birtist í ólíkum tónlistarstefnum og á ólíkum tungumálum. Við erum allar Eva og allar María.
Efnisskrá
Sléttsöngur
Ave sanctissima virgo Maria
Michael McGlynn (1964)
Mariam Matrem Virginem
Georges Bizet (1838 – 1875)
Seguidilla: „Pres des remparts de Seville“
úr óperunni Carmen
Maurice Duruflé (1902 – 1986)
Tota Pulchra Es
annar kafli úr Quatre Motets sur des thèmes grégoriens
Giacomo Puccini (1858 – 1924)
„Quando men vo“
úr óperunni La Boheme
Heikki Klemetti (1876 – 1953)
Ave Maris Stella
útsett af Toivo Saarenpää
Camille Saint-Saëns (1835 – 1921)
„Mon coeur s'ouvre a ta voix“
úr óperunni Samson et Dalila
Javier Busto (1949)
Salve Regina
Carl Zeller (1842 – 1898)
„Christel von der Post“
úr óperettunni Der Vogelhändler
Francis Poulenc (1899 – 1963)
„Ave Maria“
úr óperunni Dialogues des Carmélites
John Kander (1927)
Fred Ebb (1928 – 2004)
„Maybe This Time“
úr söngleiknum Kabarett
í þýðingu Karls Ágústs Úlfssonar (1957)
Sléttsöngur
Sancta Maria succurre miseris
Gjallandi
Sviðslistahópurinn Gjallandi var stofnaður sumarið 2025 og samanstendur af átta söngkonum sem vilja skapa sér og öðrum ungum listamönnum fjölbreytt verkefni á sviði sviðslista. Sem sitt fyrsta verkefni, í júlí 2025, setti Gjallandi upp óperuna Suor Angelica eftir Giacomo Puccini við góðar undirtektir. Næsta verkefni hópsins voru hátíðartónleikar milli jóla og nýárs 2025 þar sem þær fluttu A Ceremony of Carols eftir Benjamin Britten, í bland við íslensk verk fyrir kvennraddir og hörpu. Í júní síðastliðinn endurtóku þær leikinn með Suor Angelica á Sönghátíð í Hafnarborg.
Söngkonurnar sem skipa Gjallanda að þessu sinni eru:
Anna Elísa Axelsdóttir
Anne Keil
Ásta Sigríður Arnardóttir
Bryndís Ásta Magnúsdóttir
Margrét Björk Daðadóttir
Ragnheiður Petra Óladóttir
Snjólaug Vera Jóhannsdóttir
Steinunn María Þormar
Píanóleikari er Ólína Ákadóttir